ҚР ДСМ барлық дәрінің бағасы туралы тізім дайындайды – Э.Байжүнісов
13 Ақпан, 2014 18:05
ҚР Денсаулық сақтау министрлігі барлық дәрінің бағасы туралы тізім дайындайды. Бұл туралы ҚР Президенті жанындағы ОКҚ брифингінде денсаулық сақтау вице-министрі Э.Байжүнісов мәлімдеді.
Дәрі-дәрмектің қолжетімділігін арттыру үшін және республикадағы тізімдеу жүйесі қызмет жетілдіру мақсатында Денсаулық сақтау министрлігі тарапынан халықаралық тәжірибені ескере отырып Тізімдеу комиссиясының жұмыс тәртібі мақұлданды.
Ол рационалды пайдалану мен баға қою жариялылығын арттыратын өндірушілермен келіссөз ашу арқылы іске асырылатын баға деңгейі шегін орнату жолы арқылы дәрі-дәрмек шығынын ұстап тұруға бағытталған.
Дәрі-дәрмектің бағасын орнату үшін референтті баға орнатудың салыстырмалық сараптамасы жүргізіледі. Аталмыш жаңалық әрбір азаматтың табыс деңгейі мен әлеуметтік жағдайынан тәуелсіз дәрілік көмек қолжетімділігін арттырады.
