2014 жылдың мамыр айына дейін ТМККК бойынша дәрі-дәрмек тапшылығы болмайды - Э.Байжүнісов

13 Ақпан, 2014 17:50

Тегін медициналық көмектік кепілдендірілген көлемі бойынша ағымдағы жылдың мамыр айына дейін дәрі-дәрмек тапшылығы болмайды. Бұл туралы ОКҚ өткен брифингте Денсаулық сақтау вице-министрі Эрик Байжүнісов хабарлады.

«2014 жылға сатып алу 2013 жылдың қараша айында жүргізілді. Барлық келісім шарттар жасалып қойылды, олардың қайтару күші жоқ. Келісімде валюталық тәуекелдерде көрсетілмеген. Біз бәрін түсінеміз, алайда бизнестің әлеуметтік жауапкершілігі болуы керек. Сондықтанда бұл келісімде баға саясаты қозғалмайды. Келісім теңгелей жасалған. Бүгінде ортақ дистрибьютор қоймасында дәрі-дәрмектің 99,2% көлемі, наурыз айына - 87,7%, сәуір айына - 74 % және қосымша мамыр айына - 60% бар. Демек, мамыр айына дейін ТМККК бойынша дәрі-дәрмек тапшылығы сезілмейді», - деді Эрик Байжүнісов.

Бюджет қаржысын үнемдеу мақсатында, ТМККК аясында емдік дәрі-дәрмектердің бағасын құру және оларға деген қажеттілікті қалыптастыру тәртібі бекітілген.

Бюджет қаржысын үнемдеу қолданыстағы бұйрықты орындау жолында ТМККК аясында орташа есеппен өткен жылмен салыстырғанда 30% құрады.