Мәскеу мен Стамбұлға арналған әуебилеттердің бағасы өзгермейді - Е.Оспанов
13 Ақпан, 2014 11:23
Мәскеу мен Стамбұлға Астана мен Алматыдан ұшу әуебилеттерінің бағасы өзгермейді. Бұл туралы ОКҚ өткен брифинге «Air Astana» компаниясының үкіметтік, заңнамалық сұрақтар мен қауіпсіздік бойынша аға вице-президенті Ербол Оспанов мәлімдеді.
«Кейбір халықаралық сапарларға баға түзетіліп, билет құны 7%-дан 10%-ға дейін көтерілді. Алайда, Астана - Мәскеу, Алматы - Мәскеу, Астана - Стамбұл, Алматы - Стамбұл бағытындағы әуерейстерге түзету жүргізілмеді. Бұл бағыт бойынша баға сол қалпында қалды», - деді Е. Оспанов.
Әуекомипанияның аға вице-президенті атап өткендей, «бұл уақытша құбылыс, бұл нарықтың реакциясы».
«Ішкі сапарларға тарифті көтеру жасалмады. Біз тенденцияның қандай болатынын бақылаудамыз», - деді ол.
Сонымен қатар, Е. Оспанов компанияның құрылған 2002 жылдан бері бірде-бір рет тариф құнын көтерілмегенін тілге тиек етті.
