Ішкі рейстердің тарифы өспейді - «Air Astana» вице-президенті Е.Оспанов

«Әуе компаниясы үш құрылымнан тұрады: ұшу қауіпсіздігі, жолаушыларға жағдай жасау мен қызмет көрсету, сонымен қатар, алдыңғы екеуден қаржы табу менеджменті. Теңге курсының 20%-ға көтерілуі компанияның қаржылық қызметіне де әсер етеді. Өйткені компания табысының 70%-ы ұлттық валюта арқылы түседі», - дейді Е.Оспанов.

Оның айтуынша, «шет елдерге шығу кезіндегі шығынның 65%-ы тек доллар емес, өзге де шетел валютасымен есептеледі».

«Біз бұрынғы «Air Kazakhstan» әуе компаниясынан қалған бұрынғы курсты пайдаланып келе жатырмыз. Сол себепті осы саясат аясында жұмыс істейтін боламыз. Әуе компаниямыз ішкі рейстердің тарифын көтермейді», - деді вице-президент.

Сонымен қатар, компанияның құрылған 2002 жылдан бері ешқашан тариф көтерілмеген, тіпті 2009 жылы да.

«Бұрындары, 2009 жылға дейін құрылымдағы билеттің өз құнының 26%-ы жанармайға жұмсалды. Қазірде бұл көрсеткіш 30%-ға артып отыр. Алайда бұл көтерілім теңге курсының түзетілуіне дейін, жаппай керосин құнының қымбаттау үрдісі кезінде болған», - дейді Е.Оспанов.