Қазақстандағы барлық автовокзалдар мен автостансалар ұлттық талапқа сәйкестендіріледі – ККМ
«2020 жылға дейінгі транспорттық инфрақұрылымды дамыту бойынша мемлекеттік бағдарлама аясында атқарушы органдар автостансалар мен автовокзалдарды бірдей стандарттауды көздеп отыр. Олардың саны 34 автовокзал мен 138 автостанция. Бұлар көптен бері жұмыс істеп тұр. Солардың жартысы ұлттық стандартқа қазірден сай. Алдағы уақытта 2012 жылы қабылданған ұлттық стандартқа сәйкестендіру жұмыстарын қолға алатын боламыз», - дейді директор орынбасары.
Сонымен қатар, аталмыш мемлекеттік бағдарлама бойынша елімізде бағыттық желілерді дамыту көзделген.
«Бағыттық желілерді дамытуды жоспарлап отырмыз. Елді-мекендердің 76%-ы қазіргі таңда аталмыш жұмыспен қамтылған, бұны 100 пайыз атқарып шығамыз. Барлық елді-мекендерді тұрақты тасымалмен қамтамсыз етеміз», - дейді Олжас Сүтемгенов.
Оның айтуынша, ҚР-да таксомоторлы қызметке де ақпараттық технология енгізілмек. Және де 2020 жылға дейін Қазақстанда қала бойына 1 мыңдай такси тұрағы салынбақ.
