«Қазақмыс» Корпорациясы» 2014 жылы оқшауландырылған жобаларды қаржыландырады – Э. Огай

« «Қазақмыс Корпорациясы» Ұлттық банктің теңге бағамына енгізген өзгерістерін қолдайды. Теңге бағамы өзгеруiнiң әсерiн жарты жыл өткеннен кейiн ғана байқауға болады. Себебi, бiз Ресей өндiрушiлерiмен де, шетелдiк өндiрушiлермен де ашық нарықта жұмыс iстеп жатырмыз. Бүгiнгi күннiң өзiнде серiктестерiмiздiң 50%- келiсiм бойынша өз мiндеттерiн орындауды уақытша тоқтатып отыр. Сондай-ақ, қазiргi уақытта болашақта қандай баға төңiрегiнде жұмыс жүргiзiлетiнiн анықтау мақсатында арнайы топ құрылған», - деді Эдуард Огай.

Сонымен қатар, «Қазақмыс» Корпорациясы» ЖШС басқарма төрағасының айтуынша, қазірде Үкімет тарапынан Жезқазған өңірін дамыту бойынша шешім қабылданды.

«Қазіргі таңда мақсатты тапсырмалар мен бюджет қарастырып жатырмыз. Енді біз бұрындары тоқтатылып қалған жобаларды қаржыландыру мәселесін қайта қолға алмақшымыз», - дейді басқарма төрағасы.

 Оның айтуынша, аталмыш бағдарлама үш жылға жоспарланған және «түзету есебінен алатын қаражатты біз бағдарламаны жеделдету мақсатында қолданатын боламыз».

 «Біз оның нәтижесін тек жарты жылдан кейін ғана көре аламыз. Осындай қиын кездері ұлттық валюта курсын түзету біздің жұмыс орындары санын сақтап қалуға мүмкіндік берді және өнімнің бәсекеге қабілеттілік деңгейіне нұқсан келтірмеді», - дейді Э.Огай.