Қызылордада нұротандықтар Мемлекет басшысының Жолдауын талқылады

12 Ақпан, 2014 16:51

Қызылордада ҚР Президенті Нұрсұлтан Назарбаевтың «Қазақстан жол-2050»: Бір мақсат, бір мүдде, бір болашақ» Жолдауын талқылауға арналған «Нұр Отан» партиясы саяси кеңесінің кеңейтілген отырысы өтті.

Отырысты ашқан «Нұр Отан» партиясының облыстық бөлімшесінің төрағасы, облыс әкімі Қырымбек Көшербаев Жолдауда еліміз өмірінің ең маңызды деген барлық салалары қарастырылғанын айтты.

Облыстық әкімдікте хабарланғандай, қара, түсті және сирек металға бай Сыр өңірі үшін ең басты мәселелердің бірі металлургиялық кластердің дамуы. Осыған орай өңірде «Шалқия» кен орнын дайындау мен ферроқорытпа зауыты құрылысы жоспарлануда.

Металлургиялық саламен қатар өнеркәсіптің басты қозғаушы күші өңір үшін ауыл шуарышылығы болуы керек. Өйткені Қызылорда облысы аграрлық өңір болып табылады. «Агробизнес-2020» мен «Сыбаға » бағдарламалары ауыл шаруашылығының қанат жаюына жағдай жасайды. Ол үшін жоғарғы технологиялы өңдеуші кәсіпкерліктерді кеңінен қолданып, күріш егуде Краснодар өңірінің тәжірибесімен алмасу қажет.

Сонымен қатар, облыс әкімі қатысқан Президент Жолдауын талқылау шарасында өңірдің кәсіпкерлері де қалыс қалмады. Атап айтар болсақ, ҚР Еңбек Ері Абзал Ералиев, күріш егу ҰИИ ғалымы Сәуле Байбосынова, жас ұстаз Аягөз Далиева мен ардагер Әсет Сүмбетов өз ойларын ортаға салды.

Шара соңында партия мүшелері жергілікті атқарушы органдарға Жолдаудағы тапсырмаларды орындауына ат салысу қажеттілігін айтысты.