2013 жылы ҚР-дағы электрэнергия өндірісі 91,9 млрд кВт/сағатты құрады – ИЖТМ

«ҚР ИЖТМ мемлекеттік энергетикалық бақылау мен тексеру комитетінде 2013 жылғы елдің энергетикалық саласы жұмысының қорытындысы шығарылды. 2013 жылы №6 Ақсу МАЭС энергоблогы, Петропавлдағы екінші ЖЭС №4 турбоагрегат пен Өскемендегі ЖЭС №11 турбоагрегат жаңғыртылды. Индустриялды бағдарламаларға қосылған электрэнергетиканың 14 жобасының 8-і аяқталды», - делінген комитет хабарламасында.  

«Шектеулі тарифтер» аясында 2009-2013 жылдары шамаммен 1700 МВт қуат өндірілген.

Жалпы, есеп беру мерзімі жайлы айта келіп ИЖТМ Мемлекеттік энергетика бақылау және тексеру комитеті төрағасы А.Тұрлыбек энергетикалық кешендегі осы өзгерістерді негізінен аталмыш салада жаңа заңнамалық өзгерістерді енгізумен түсіндіреді.

Оның айтуынша, өткен жылы Үкімет тарапынан энергетика саласында 48 негізгі нормативті-құқықтық актілер қабылданды. Сонымен қатар, электр энергетикасы нысандарыны жұмысына бақылау қызметін жетілдіруге бағытталған заң жобасы Парламент Мәжілісінің қарауында жатыр.

Сондай-ақ, энергокөздер қорлары нормасы мен өзге де нормалар мақұлданды.