Мәжіліс Төрағасы Шымкентте азаматтарға қоғамдық қабылдау өткізді

12 Ақпан, 2014 12:20

Қазақстан Республикасы Парламенті Мәжілісінің Төрағасы, «Нұр Отан» партиясы Саяси кеңесінің Бюро мүшесі, партияның парламенттік фракция жетекшісі Нұрлан Нығматулин Оңтүстік Қазақстан облысына жасаған іс сапары шеңберінде Шымкентте «Нұр Отан» партиясының қоғамдық қабылдауында азаматтарды жеке мәселелерімен қабылдады.

Мәжілісте хабарлағандай, оңтүстікқазақстандықтар сан түрлі мәселе көтере келді: газбен, сумен қамтамасыз ету мәселесі, Сарыағаш-Мақтарал көпірін кеңейту мәселелері.

Нұрлан Нығматулин аталған мәселелерді шешу үшін бюджеттен қаржы қарастырылғанын, әзірлік жұмыстары аяқталып та қалғанын хабарлады. Көпірді кеңейту мәселесінің басталуын осы жылдың қараша айына жоспарланып отыр. Оның жұмысына 300 миллионнан астам қаржы бөлінген. Ал, 2015 жылдың соңына қарай «Бейнеу-Бозай-Ақбұлақ» газ құбыры облыстағы 8 ауданның 254 ауылын қамтамасыз ететін болады.

Еліміздегі мүмкіндігі шектеулі жандарды шетқақпай етпеу мәселесі де тілге тиек болды. Нұрлан Нығматулин осы жағдаймен Гүлжамал Бекболатовамен сөйлесті. Ол екінші топ мүгедегі, ал ұлы – бала күнінен кемтар.

"Біз үшін бұл Жолдау өте маңызды болды, өйткені Президент мүмкіндігі шектеулі жандарға ерекше көңіл бөлді. Сол қолдау бізге өте қажет еді",- деді Гүлжамал Бекболатова.

Қабылдау соңында Нұрлан Нығматулин Нұр Отан» партиясының қоғамдық қабылдауының жүйесі бәрінен бұрын Қазақстан Президентінің әлеуметтік мәселелер бойынша қойған міндеттерін орындауға мүмкіндік туғызатынын атап өтті.

Барлық жаңалықтар