Алматыда әлеуметтік тауарлар маңында дүрлікпе туған жоқ

12 Ақпан, 2014 13:30

Бүгін Алматы әкімі Ахметжан Есімов жанармай бекеті, дәріханалар мен ірі сауда үйлерін аралауды ақтады. Қала басшысы халықтық қолданыстағы тауарлардың бағасын өзі тексеріп шықты.

Қалалық әкімдікте хабарлағандай, аталмыш нысандардың жетекшілері қала басшысына Ұлттық банктің енгізген өзгерісіне қарамастан әлеуметтік тауарлардың бағалары өз қалпында қалатынын хабарлады. Кеше кейбір сауда орындарында дүрлікпе туған болса, бүгін бәрі қалыпқа келтірілді. Тауарлар бұрынғы бағамен сатылуда. Қала қоймаларында жанар жағар май мен тауар қоры жеткілікті.

«Мемлекет қай кезде болмасын бизнеске қолдау көрсетуде. Біз қазір де біздің кәсіпкерлер бұл оқиғаны өз пайдаларының қамын ойлап шешпейді деп үміттенеміз. Біз заңнамалар аясында барлық шараларды қолданатын боламыз. Олар әсіресе әлеуметтік маңызы бар тауарлардың көтеріліп кетпеуіне бағытталады», - деді А. Есімов.

Айта кетейік, кеше Алматыда өткен жиналыста қала әкімі құзыретті органдарға бағалардың өсіп кетпеуін қадағалауды тапсырған болатын.