Қ.Келімбетов: 2013 жылы Қазақстанда инфляция деңгейі ең төмен 4,8% деңгейіне дейін қысқартылды

 «2009 жылдан бастап қалыптасқан 145-150  теңге аралығындағы теңгенің бағамы қазірде 3 теңге ауытқумен 185 теңгені құрайтын болады. Айырбастау курсының саясаты барлық елдің, соның ішінде Қазақстан да бар, тәуелсіздік алғаннан кейін жаһандық экономикалық қаржылық жүйенің бөлігі болып табылуы. Соған сай тауар мен қызмет алмасу тиісті валюталық бірілктермен жүзеге асырылуда. Енді барлық елде өзіндік валюта алмасу саясаты бар. Ол түзетілген және ауытқымалы айырбастау курсына бөлінеді және басқаруға ыңғайланған. Соның ішінде Қазақстан да басқармалы валюта тәртібінде болды. 2009 жылғы түзетуден кейін теңге 145-155 аралығында тербелді», - дейді бас банкир.

Өткен жылы экономикалық өсім 6% құрады. Банк төрағасының айтуынша, «Бұл көрсеткіштерді өзге елдермен салыстырсақ, бұл айтарлықтай жақсы нәтиже».

«Екінші жағынан, инфляция саласында да қуантарлық көрсеткіштер жоқ емес. Өткен жылы ол ең төменгі 4,8% көрсеткішті құрады. Бұл жетістіктердің барлығы белгілі бір қаржы-несиелік және салықтық-бюджеттік координацияға негізделген. Соның ішінде айырбастау курсы саясаты да бар. Уақыт өткен сайын айырбастау курсы саясаты түзетіліп келеді. Біздің жаһандық экономикалық жүйенің бір мүшесі екенін ескерсек, бұл заңды дүние», - дейді Келімбетов.

Сонымен қатар, қаңтар мен ақпанда дамушы елдердің барлығында ірі өзгерістер орын алды.