Нан, дәрі-дәрмек және өзге де әлеуметтік маңызы бар тұтыну тауарларының бағасы көтерілмейді - ШҚО әкімінің орынбасары
Брифингте әлеуметтік маңызы бар тауарлардың бағасын ұстап тұру бойынша жұмыс тобын басқарып жатқан облыс әкімінің орынбасары Нұрлыбек Шерубаев сөз алды. Өңірде кешеден бері 3 жұмыс тобы құрылды. Атап айтар болсақ валюта курсына мониторинг жасау, әлеуметтік маңызы бар азық-түлік тауарларының барлық түрінің бағасын ұстап тұру мен мониторинг жасау, қоғамдық-саяси жағдайға мониторинг бойынша ведомствоаралық облыстық жұмыс тобы.
«Бізде ұн өндірушілерімен нан бағасын бір квартал бойы өсірмеу туралы келісілген келісім шарт бар. Үкімет ШҚО-на астық пен азық-түлік бөлуді қарастырып жатыр. Қазір біз сатушылармен көкөніс пен жеміс-жидектің бағасын өсірмеу туралы келіссөздер жүргізудеміз. Тұрақталған қордың азық-түлігі қала бойынша бұрынғы бағамен таратылады. Егер қажет болып жатса, көкөністер мен бакалея санын көбейтеді», - деді ШҚО әкімінің орынбасары Нұрлыбек Шерубаев.
Бүгінде ШҚО-да Тұрақты қордың қоры 8,5 мың тонна азық-түлік бар. Облыс әкімі орынбасарының айтуынша, медициналық аппараттарға баға қалыпты деңгейде сақталады.
