ШҚО-да Қытай мен Монғолияға жаңа туристік бағыт ашылады
12 Ақпан, 2014 12:35
Өңір туризмін дамыту мәселесі бойынша форумда Қытай мен Монғолияға жаңа туристік бағыт ашылатыны айтылды.
«Өзіңе Шығыс әлемін аш» атты халықаралық туристік көрмесінде әріптестік туралы 4 Меморандумға қол қойылды. Осы келісімдер арқасында жақында ШҚО мен Монғолия арасында жаңа туристік бағыт ашылып, Қытаймен туристік байланыс кеңейтіліп, Словакиямен біріккен жаңа туристік жобалар ашылады», - деп хабарлайды ШҚО ақпараттық орталығы.
Облыс әкімі Б.Сапарбаев кәсіпкерліктер мен жеке кәсіпкерлерді өңірдің туризмін дамытуға үлес қосуға шақырды.
«Ол үшін мемлекет тарапынан қолайлы жағдай қарастырылған. Мысалға, «Бизнестің жол картасы-2020» бағдарламасы аясында тек «Даму» қоры тарапынан бір жыл ішінде туристік саланың 19 жобасы қаржыландырылған», - дейді әкім.
