Нұрлан Нығматулин М.Әуезов атындағы Оңтүстік Қазақстан университетінің студенттерімен кездесті

Мәжілісте хабарлағандай, Нұрлан Нығматулин оңтүстікқазақстандық жастарға Мемлекет Басшысының стратегиялық курсының басым бағыттары жайында айтып берді. Мәжіліс Спикерінің мәлімдеуінше ол Қазақстан жастары үшін жарқын болашаққа жол ашады.

Болашақ заңгер, ұстаз, экономистерді Президент тапсырған міндеттерді шешудің нақты жолдары қызықтырды.

Сонымен бірге, жас ұрпақ өкілдері  Президент тапсырмаларын орындауға белсенді түрде араласуға әзірліктерін білдірді. Университет студенттері Мемлекет Басшысының курсын қолдап алғашқы болып «Мәңгілік ел» қоғамдық жастар бірлестігін құру бастамасын қолға алғандықтарын мәлімдеді.

Сондай-ақ, Мәжіліс Спикерімен әңгіме барысында оңтүстікқазақстандық жастар ғылымға бағытталған экономика, түлектерді жұмысқа орналастыру, жастар саясаты сияқты мәселелерге және соған лайық заңның дүниеге келуінің мезгілін білуге айырықша қызығушылық танытты.

Нұрлан Нығматулин бүгінде мәжілісмендер жастар саясатына арналған заң жобасын жасау үшін белсене қызмет жасап жатқанын, оның қабылдануы жастардың мүддесіне сай келетінін хабарлады.