Теңге бағамының өзгеруі әлеуметтік маңызы бар тауарлардың бағасына әсер етпейді – Б.Сұлтанов

«Халықтың негізгі табысы мен жинақ қаржысы теңгемен есептеледі. Сонымен қатар, халықтың шығыны да теңге бойынша. Бізде негізгі тұтыну тауарларының ішкі өндірістен шығатындары қазірде 80 пайызға жетіп отыр. Ал тағы 35 пайызы жергілікті атқарушы органдар тарапынан бақылауда ұсталады. Соның ішінде тұрақтандырылған қорлар есебінен. Мұндағы барлық жұмыстар атқарылып, теңге курсының өзгеруі әлеуметтік маңызы бар тауарлардың бағасына әсер етпеуге бағытталады», - дейді Б.Сұлтанов.

Сонымен қатар, оның айтуынша, нарықта тағы алыпсатарлық шешімдер болуы мүмкін.

Алайда, Қаржы министрінің айтуынша, жергілікті атқарушы органдар баға ауытқуына жол бермеуге күш салатын болады.