БЭК құру аясында біздің кәсіпкерлер мүддесінің қорғалуы маңызды – О.Раев

11 Ақпан, 2014 16:05

Мемлекет басшысы Жолдауын іске асыру аясында ҚР ИЖТМ сыртқы экономикалық әріптестік департаменті кәсіпкерліктің дамуына ерекше маңыз береді, дейді департамент директоры Олжас Раев Strategy2050.kz агенттігіне берген сұхбатында.

«Біз Бірыңғай экономикалық кеңісті құру аясында интеграциялық процестермен және Еуразиялық экономикалық кеңістік құру жұмыстарымен айналысамыз. Мұнда біздің кәсіпкерлеріміздің мүдделерінің аяқ асты болмаулары өте маңызды. Сол себепті біз бұл жұмыстарды Ұлттық кәсіпкерлер палатасын құрумен байланыстырамыз», - дейді О.Раев.

Сонымен қатар, оның айтуынша, бүгінде Жапония, Германия, Кореямен геология, энергетика және тиімділік мәелелерінде әріптестік құрылған.

«Біз үкіметаралық комиссияның тең құқылы төрағасы болып табыламыз және алдағы уақытта Жапониямен инвестицияны бірігіп қорғау туралы келісімге қол қоймақпыз. Сонымен қатар, аталмыш шаралар Қазақстандағы жапон компанияларының қызметіне қарқын береді деп үміттенеміз. Осы тұрғыда осы елмен ынтымақтастық туралы жол картасына қол қойылды», - дейді О.Раев.

Бұдан бөлек, Германиямен ынтымақтастық аясындағы үкіметаралық комиссия аясында геология, барлау, жер қойнауын игеру саласында әріптестікті тереңдету бойынша мәселелер айқындалып, технологиялық және шикізаттық әріптестікт туралы келісім түзілді.

Етеріңізге сала кетейік, бүгінде Германиямен бірігіп металлургия мен өңдеуші өнеркәсіпте 80-нен астам жоба іске асырылуда.