«ҚазАгроҚаржы» 2014 жылы азық-түлік қауіпсіздігіне 30 млрд теңге жұмсайды – Р. Кемешов

«Мемлекет басшысы азық-түлік қауіпсіздігін құру керек екенін айтқан болатын. Себебі, әлем бойынша азық-түлік халықты қамту тенденциясы жүруде. Бұл орайда біз шет қалмауымыз керек, себебі ауыл шаруашылығының өнімдері бар, жоғары технологиялар бар сондықтан да бұл бағытта үздіктер қатарында болуымыз қажет», - деді Ринат Кемешов.

Осыған орай бүгін Қазақстанның барлық аймағында көкөніс сақтау қоймалары қолданысқа берілуде, жылыжай кешендері мен Қазақстанның ірі қалаларын азық-түлікпен қамтамасыз ету жағдайы жасалуда.

«Егер назарымызға өткен жылды алатын болсақ, 2013 жылы қолданысқа 72 ірі инвестициялық жоба енген болатын. Оның құны 30 млрд теңге. Аталмыш стратегиялық бағыт сөзсіз өсетін болады, бұл саладағы қаржыландыру да өсетін болады. Ол 30 млрд теңгеден кем болмауы тиіс. Бұл біздің ел үшін өте маңызды, себебі, азық-түлік қауіпсіздігі біздің елде жоғары орынға ие», - деді компанияның ресми өкілі.

Оның айтуынша, бүгін компания ауыл шаруашылығы кәсіпкерлерін қолдауға мүмкіндік алды.

«Барлық бағдарламалар уақытында  жүзеге асты. «ҚазАгроҚаржы» орында тұрмайды, ол даму үстінде, біз қаржыландыру жағдайын да жақсартудамыз. Бұл орайда барлық бизнес-үрдістер өтінішті қарауға дейін қысқартылады», - деді Р. Кемешов.