Астанада «Қазақстандағы жұмыс» ақпараттық порталы таныстырылды

10 Ақпан, 2014 18:30

Бүгін ҚР Еңбек және халықты әлеуметтік қорғау министрлігінің кеңейтілген алқа мәжілісінде «Қазақстандағы жұмыс» ақпараттық порталы (www.enbek.kz) таныстырылды. Онда барлық республика бойынша жұмыс берушілер мен жұмыс іздеушілер жайлы мәліметтер орналастырылады.

«Жұмыспен қамту бойынша ақпараттық-сараптамалық орталық» АҚ президенті Алма Дәуітованың айтуынша, «Қазақстандағы жұмыс» ақпараттық порталы жергілікті жұмыспен қамту органдарындағы бос орындар туралы мәліметтердің орталықтандырылған жүйесін құрайды және жұмыс беруші мен жұмыс іздеушіні портал бетінде беттестіруге мүмкіндік береді. Сонымен қатар, өзге де веб-ресурстардағы мәліметтерден де хабар береді.

Жұмыс іздеушілерге орталықтандырылған жүйе арқылы тиісті бос орынды таңдап, Қазақстанның кез келген өңіріне өзінің түйіндемесін жөнелте алады. «Қазақстандағы жұмыс» ақпараттық порталында 50 мыңнан астам вакансия мен жұмыс іздеушілердің түйіндемесі орналастырылған.

Сонымен қатар, «Қазақстандағы жұмыс» жобасы заманауи техниканың мүмкіндігі арқасында онлайн-режимде кез-келген облыстың жұмыс берушілерімен және жұмысқа үміттілермен тікелей әңгімелесуге мүмкіндік береді.

Барлық жаңалықтар