Мемлекет басшысы өз Жолдауында қазақстандықтарды сыбайлас жемқорлықпен күресуге шақырды – Қаржы полициясы Ардагерлер ұйымының төрағасы А. Күлбатыров

«Жыл сайын Елбасымыз Қазақстан халқына Жолдауында еліміздің дамуын қамтамасыз ететін маңызды бағыттарды айқындайды. Биыл Президент «Қазақстан жолы - 2050: Бір мақсат, бір мүдде, бір болашақ» атты жолдауында жақын болашақтағы еліміздің даму сатыларын анық көрсетті. Біз бір ортақ мүдде жолында жұмыстанып жүргенімізді түсініп келеміз. Осының бәрін ойға алып таразыласақ, мақтануға тұрарлық іс тындырғанбыз», - деді А. Күлбатыров.  

Бүгінгі күні еліміз әлемдік аренада заманауи және бәсекеге төтеп бере алатын мемлекет ретінде дәлелденді.

«Зор өкілеттілікпен құқық иеленген шенділер мінсіз мінез-құлқымен және жоғары кәсіби деңгейімен ерекшеленуі тиіс. Аса маңызды міндет - сыбайлас жемқорлыққа қарсы жаңа стратегияны қалыптастыру және іске асыруды жалғастыруды талап етті. Сол себепті барлық барлық Қазақстан азаматтарын сыбайлас  жемқорлықпен бірлесе күресуге шақырамын», - деді Күлбатыров.