Павлодарда мүмкіндігі шектеулі жандардың мәселесі бойынша көпшілік тыңдалым өтті
«Шарада сөз алған Мәжіліс депутаты Айгүл Нұркина осы бағыттағы көптеген атқарылып жатқан шараларды айта келіп, мүмкіндігі шектеулі жандарға медициналық көмек көрсету секілді бірқатар мәселелердің де бетін ашты», - деп хабарлайды ҚР Парламенті Мәжілісі.
Депутаттың айтуынша, Үкіметте мүгедектер арбасының ыңғайлығы мен сапасы мәселесі көтеріліп жатқанын және әлеуметтік нысандарға еркін кіре алу жағдайының күн тәртібінде тұрғанын айтты.
Мысалыға, Павлодарда бірқатар әлеуметтік нысандарда арнайы мүгедектер арбасының көтерілетін жері орнатылған, алайда бұл жағдай барлық жерде бірдей қарастырылмаған.
«Сол себепті мүмкіндігі шектеулі жандардың қоғамның қызу өміріне еркін араласуына барлық жағдайды жасау жолында еңбек етуіміз керек. Бүгінде мүгедектердің құқын қорғау мәселесі бойынша кейбір заңнамалық актілерге өзгерістер мен толықтырулар енгізу туралы ҚР Заң жобасы тұжырымдамасы дайындалуда. Біз осы тұрғыда сіздердің өз ауыздарыңыздан осы заңға енгізілетін өзгерістер туралы ұсыныстарды естігіміз келеді. Егер біз бірлесіп жұмыс істейтін болсақ барынша ыңғайлы орта қалыптастыра аламыз», - дейді А. Нұркина.
