Әлеуметтік жетістіктің негізі мен кепілі тек қана адал еңбек – профессор С.Молдабаев

«Көпұлтты қазақстандық халыққа Мемлекет басшысы Жолдауы гүлдену үстіндегі тәуелсіз Қазақстанның даму жолында тізе қосып еңбек етуді талап етеді. Әрбір қазақстандық, әрбір жұмыскер мен шенеунік Қазақстанның әлемдік кеңістікте елелі орынға ие болып, халықаралық беделінің артуы жолында еңбек етуге және елдегі қолға алынып жатқан реформалардың оң нәтиже беруінен жауапты», - дейді С.Молдабаев.

Профессордың айтуынша, әрбір қазақстандың өз-өзінен «Мен елім үшін не істей аламын?» деп сұрауы керек.

«Маған, педагог, ғалым және қаржы полициясы қызметкері ретінде 2014 жылғы Жолдаудың ең маңызды қыры Президентіміздің қолдағы жетістіктермен марқайып кетпей, ары қарай қадам басу керектігін айтқаны болды. Әлеуметтік жетістіктің негізі мен кепілі тек қана адал еңбек болуы мүмкін. Ведомстволық білім беру ұйымы қызметі – Қазақстанның болашағына үлкен үлес», - дейді қаржы полициясы қызметкері.

Қаржы полициясы академиясының бастығының айтуынша, ЖОО-ның, әсіресе жеке меншіктерінің билік тарапынан әділдік тұрғысынан көбірек сынға ұшырайтыны жасырын емес.

«Бұл дегеніңіз, мемлекеттік білім беру орындары, соның ішінде полициялық ЖОО сапасыз білім беруге қарсы күресіп, осы жолда өздерінің үлестерін қосу керек. Сонымен қатар, оқу-тәрбиелік қызметі мен ғылыми-зерттеу қызметінің басым бағыты ретінде ЖОО-нан кейінгі білім мен жоғарғы жүйедегі жемқорлыққа қарсы күрес жариялауды уақыт күттірмейтін мәселе деп ойлаймын. ЖОО-дағы жемқорлықты жоя отырып, біз отандық дипломға деген сенімді қалыптастырамыз және бәсекеге қабілетті білікті мамандарды дайындаймыз. Өйткені біздің мақсатымыз бір, мүддеміз бір, болашағымыз бір», - дейді С.Молдабаев.