Назарбаев Университетінің студенті Д.Әлімбай: Қазақстанның болашағы білімді, алғыр және мәдениетті жастардың қолында

«Менің ойымша, бүгінде жастарға аса көп мән берілуде, Президенттің жыл сайынғы Жолдауында да барлық салада жастардың басымдылығы қоса айтылады. Соның ішінде білім беру, мәдени дамуда жастардың алар орны орасан. Өздеріңізге де белгілі, еліміздің болашағы жастарымыздың қолында. Жастар неғұрлым заманауи, білімді және мәдениетті болса, еліміздің болашағы да соғұрлым жарқын болмақ», - дейді студент.

Оның айтуынша, Мемлекет басшысының Жолдауындағы басты бағыт Қазақстанның инновациялық қызметі мен инновациялық дамуына арналған.

«Менің пікірімше, еліміздің экономикасының нақты секторларының бірі болмақ. Менің айтқым келгені еліміздегі бастауыш компаниялар. Біздің өзіміздің қалыптасқан тәжірибеміз бар: екі жылдан беру старт-ап уикендтерге қатысып келеміз. Біздің университет қабырғасында студенттерге старт-ап компаниялардың не екенін үйретеді және оны дамытуға баулиды. Бізде осыған арналған пікірсайыс клубы да бар», - дейді Диас Әлімбай.