Шымкентте жасөспірімдер арасында ауыр атлетикадан Қазақстанның Чемпионаты өтеді
10 Ақпан, 2014 09:40
2014 жылдың 9-13 ақпаны аралығында Шымкент қаласында ауыр атлетикадан 20 жасқа дейінгі ұландар арасындағы Қазақстан Республикасының Чемпионаты өтеді. Турнирге Қазақстанның барлық аймақтарынан 100-ден аса жас атлеттер қатысады.
Федерацияда хабарлағандай, жарыс жеке-командалық біріншіліктен тұрады. Команда құрамына сегіз спортшы - жасөспірімдер, жеті қыз, 2 жаттықтырушы және төреші кіреді. Ұлдар келесі салмақ дәрежесінде жарысады: 56, 62, 69, 77, 85, 94, 105 және 105-тен жоғары. Қыздар арасында келесі салмақ дәрежесінде өтеді: 48, 53, 58, 63, 69, 75 және 75 кг. жоғары.
Федерация жас дарындардың өсіп өркендеуіне үлкен көңіл бөлуде. Чемпионатқа спортшыларды қолдау мақсатында екідүркін Олимпиада чемпионы Илья Ильин Шымкентке келеді.
Айта кетейік, Шымкентте үздік нәтижеге қол жеткізген спортшылар ауыр атлетикадан наурыз айында Бангкок қаласында (Тайланд) өтетін ұландар арасындағы Азия Чемпионатына дайындалу және қатысу үшін іріктеліп алынады.
