2014 жылы ҚР БҒМ үш сала бойынша техникалық және кәсіптік білім беру ұйымдары түлектерін бағалаудың сертификациялық орталығын ашады – Қ.Бөрібеков

Білім және ғылым министрі Аслан Сәрінжіпов Техникалық және кәсіптік білім беру жүйесіне ҚР-да дуалды білім беру жүйесін дамытуды тапсырды, соның ішінде жұмыс беруілермен бірлесіп сертификациядан өткен түлектер санын 25% арттыру міндеттелді.

«2011 жылы Еңбек кодексіне Қазақстанда Ұлттық біліктілік жүйесін құру туралы өзгерістер мен толықтырулар енгізілген.Аталмыш заңнамалық базаға сай, ұлттық біліктілік аясында дайындалған ұлттық біліктілік жүйесінің құқықтық базасы құрылды. Аталмыш кезеңді аяқтайтын жүйе біліктілігін растайтын маманның сертификациясы болып табылады», - дейді Қ.Бөрібеков.

Осыған орай, оның айтуынша, тәуелсіз сертификациялау орталықтары құрылды.

Сонымен қатар, елімізде бұндай орталықтар бұрын-соңды болмаған. Заңнамалық базаның жоқтығы аталмыш ұйымдардың пайда болуын шектеді.

«Өткен жылы алғаш рет тәжірибе ретінде үш сала бойынша осындай орталықтар құрылды. Олар атап айтар болсақ, энергетика, тау-кен өндірісі мен туристік сала. Алайда бұлар студенттердің тек 0,5%-ны ғана қамти алды»,- дейді департамент директоры.

Енді министр техникалық және кәсіптік білім беруде дуалды білім беру жүйесін дамытуды тапсырып, соның ішінде жұмыс беруілермен бірлесіп сертификациядан өткен түлектер санын 25% арттыру міндеттеді.

«Биылдан бастап қосымша тағы үш сала бойынша сертификациялау орталықтары құрылады. Олар машинақұрылысы, ауыл шаруашылығы мамандығы мен мұнай-газ саласы бойынша қызмет етеді», - дейді Білім және ғылым министрлігінің өкілі.

Департамент директорының айтуынша, бұл бағыттағы жұмыстар барлық 14 сала бойыша атқарылуы керек.

Айта кетейік, сертификациялау орталықтары ұйымдардан, білім беру мекемелерінен тәуелсіз түрде жұмыс істеп, акционерлік қоғам немесе жауапкершілігі шектеулі серіктестік түрінде құрылады.