Астанада «ОТБАСЫМ» ұлттық құндылықтар орталығының таныстырылымы өтті

«Орталықтың мақсаты – отбасы құндылықтарын насихаттап, ұлттық дәстүрді, рәсімдерді  дәріптеу. Біздің орталық отбасының ұйытқысын сақтап, ұлттық құндылықтарды жастарымыз түсініп оны ұрпақтан ұрпаққа мұра етіп қалдыру жолдарын қарастырады», - деді «ОТБАСЫМ» ұлттық құндылықтар орталығы» қоғамдық бірлестігінің төрағасы Шолпан Сыздықова.

Айта кетейік, «ОТБАСЫМ» ұлттық құндылықтар орталығы- азаматтардың қоғамдық ұйымы, олардың барлығы өз уақыттары мен білімдерін сарп етіп ұлттық отбасының құндылықтарын бағалайды, оларды дәріптейтін азаматтар.

Шараның ұйымдастырушылары атап өткендей, Орталықтың мақсаты  заманауи қазақстандық отбасында ұлттық-мәдени дамуды дәріптеу.

Айта кетерлігі, таныстырылымда қазақтың дәстүрі мен ырымдары, «қыз ұзату», «келін түсіру» сынды қойылымдар, сонымен қатар қазақстандық коллекционер Айдархан Қалиевтің «Ұлы даланың перизаты» көрмесі қойылады.

Ш. Сыздықованың айтуы бойынша, шараның ерекшелігі Астана қаласының кәсіпқой әйелдері ұлттық киімдерді өздері таныстырады.

Жалпы, шара ұлттық – мәдени мирасты дамытып, қоғамда ұлттық құндылықты дамытады.