Данат Жұмин: «Мәңгілік ел» – қазақстандықтардың даму бағыты
8 Ақпан, 2014 10:08
«Қазақстан-2050» жалпыхалықтық қозғалысының жетекшісі, саясаттанушы Данат Жұмин Strategy2050.kz АА берген сұхбатында «Мәңгілік ел» ұлттық идеясының маңызымен бөлісті.
«Бүгін біз Кедендік Одақ бойынша дау туып жатқанын көріп отырмыз. «Біздің бизнестің күні не болады?»-деген сұрақтар жиі қойылады. Екінші сұрақ, мемлекеттік тілдің дамуы. Оның тиімді жолы қандай? Осы сынды сұрақтар жетерлік. «Мәңгілік ел» ұлттық идеясының маңызы қазақстандықтарға белгілі бір бағыт көрсету, бұл біздің дұрыс жолға шығып, оң немесе теріс шешімімізді айқындап беру», -деді Д. Жұмин.
«Қазақстан-2050» жалпыхалықтық қозғалысы жетекшісінің пікірінше әрбір қазақстандық ұлттық идеяның маңызын түсіне білуі керек.
«Егер де образдан шынайылыққа көшетін болсақ, «Мәңгілік ел» - біздің еліміздің, яғни Қазақстанның мәңгі жасауы, ұлт ретінде жойылмауы қорытындысына саяды. Осы үрдіске әрбір қазақстандық қатысуы тиіс», - деді Д. Жұмин.
