Екібастұз МӨЭС-1 блоктарының бірі 2014 жылы қалпына келтіріледі – ҚР ИЖТМ

 «Екібастұз түйінін дамыту, Екібастұзда жаңа блоктар салу секілді анықталған нақты жобалар бар. Алдағы уақытта, 2020 жылдан кейін қазіргі блоктарды қалпына келтіру жоспарланған. Осы тұрғыда оңтүстік өңірді баса назарда ұстау керек. 2014 жылы Екібастұз МӨЭС-1 кәсіпкерлігінде ірі нысан қолға алынады. Онда шамамен 15 жылдай жұмыс істеген 500 мегаваттық блок қалпына келтіріледі», - дейді С.Есімханов.

Екінші шаруа – тек станцонды блоктарды ғана дамытып қоймай, тариф белгілеу жұмысы мен желілік шаруашылықты дамыту.

«Мұнда біз өзге мемлекеттік органдардары әріптестерімізбен тұжырымдама аясында электр энергиясын тасымалдауда тарифті жаңадан белгілеу, инвестициялық қызығушылықты арттыру мақсатында ынталандырудың жаңа механизмін енгіземіз. Энергетика саласында алға қойылған ҮИИД-2 аясындағы басты міндеттемелердің электр қуаты бөлігінің өзіндік құнына шығындарды жоспарлай алу үшін ұзақмерзімді тариф белгілеу болып табылады», - дейді департамент директоры.

Оның айтуынша, ведомство алдында өте маңызды міндеттеме тұр. Бақылаушы органдармен біріге отырып министрліктің департаменті шекті тарифтерді іске асыру аясында станциялармен қол қойылған 2013 жылғы келісімдердің орындалу барысын тексереді.