Жұмыссыздар мен өзін-өзі жұмыспен қамтығандар туралы қорытынды статистикалық мәлімет 2015 жылдың сәуір айында жарияланады - А.Смайылов
«Агенттік өзін-өзі жұмыспен қамтығандардың санын анықтау, олардың ай сайынғы табысын есептеу және жұмыссыздардың санын анықтау әдістемесін бекітті. Оның басты мақсаты өзін-өзі жұмыспен қамту құрылымын қалыптастыру және олардың өнімділігі жоғары жұмыс істеуіне септігін тигізу және өзін-өзі жұмыспен қамтылғандардың санын анықтау болып табылады.
Сондай-ақ, олардың «Бизнестің жол картасы - 2020» бағдарламасына қатысуына және зейнетақы аударымдарын жасап, әлеуметтк сақтандыруға қатысуына жағдай жасау болып табылады», - деді Әлихан Смайылов.
Сонымен қатар ол, халық пен жұмыссыздар саны бойынша аймақтық және қалалық деңгейде статистикалық мәліметтерді жасақтауда агенттік ағымдағы жылдың қаңтар айынан бастап 218 мың үй шаруашылықтарының аясында жұмыс күшін есептейтін жаңа зерттеулер жүргізуді бастады.
