Ұялы байланыстың іске қосылған 15 жылының ішінде ҚР-да 28 млрд SMS-хабарлама жіберілген
«Байланыс және ақпараттандыру комитетінің хабарламасы бойынша 15 жыл ішінде республика аумағын ұялы байланыспен қамтитын 17 303 базалық станция орнатылды, статистика мәліметі бойынша абоненттер саны (қолданыстағы SIM бойынша) 30 млн. өсті, ал ұялы байланыс қызметтерінің құны орташа 10 есе төмендеді. 2012 жылы секундсайынғы тарификацияға көшу аяқталды, өз алдында ол абоненттердің ұялы байланыс қызметі бойынша шығындарын азайтуға мүмкіндік жасады», - деді Көлік және коммуникация министрлігінде.
2002 жылдан бері минуттың орташа құны (APPM) 42 теңгеден 4,7 теңгеге дейін төмендеді.
Интернет-пакетті сатып алған жағдайда ұтқыр интернеттің 1 МБ-ның орташа құны 50 теңгеден 0,70 теңгеге дейін төмендеген.
2011-2012 жылдардағы «Ақпараттық қоғам өлшемдері» есебіне сәйкес ұтқыр интернет құны бойынша Қазақстан дүниежүзі бойынша 22 орында және ТМД елдері арасында ең төмен баға бойынша 1 орында.
Елдер арасында рейтингті есептеу үшін байланыс қызметтер шығындарының халықтың жан басына шаққанда Жалпы ұлттық табыс мөлшеріне қатынасы негіз болған.
«Бұрын жаңа технологияларды енгізу және осы қызметтерге қолжетімділікті қамсыздандыру біздің басты міндетіміз болатын, бірақ қазір әрбір қазақстандық ұялы байланыспен пайдаланатын уақыт, осы қызметтер күнделікті өмірдің ажыратылмайтын бөлігі, сондықтан біздің басты мақсатымыз – қызмет көрсету сапасын арттыру. Бұл таядауғы жылдары ұялы байланыс компанияларының бәсекелестік артықшылықтарының бірі болады», - деді Көлік және коммуникация министрі Асқар Жұмағалиев.
