ҚР-ның әрбір азаматының мақсаты мемлекеттікімен тікелей байланысты болуы тиіс – Назарбаев Университетінің студенті Ғ. Байтімбетов

«Мемлекет басшысы бізге лекция оқығанда өз Жолдауында айтылған біздің, Қазақстан жастарының еліміздің болашағы екенін бірнеше рет айтты. Біздің мойнымызда үлкен жауапкершілік пен сенім бар. ҚР Президенті Жолдауын біздің студенттік актив еліміздің қайда және қандай бағытта дамитынын білу үшін қажетті маңызды құжат ретінде таниды. Біздің қазіргі мақсатымыз айқын, болашағымыз жарқын. Сол себепті мен Жолдауды өзіміздің жеке басмыздың мақсаты мен еліміздің мақсатын ұштастыратын құндылық деп қабылдаймын», - дейді Ғ.Бәйтімбетов.

Оның айтуынша, Мемлекет басшысының Жолдауында әлеуметтік мәселелердің шешілуіне баса мән берілген. Студенттердің шәкіртақысының өсуі, білім беру, денсаулық сақтау мен әлеуметтік сала қызметкерлерінің жалақысының өсуі халықтың әл-ауқатын көтермек.

«Болашақ инженер ретінде маған Жолдауда айтылған «болашақтың энергиясы» бағыты ұнады. Біз осы тақырып бойынша көп дүние оқыдық. Осы тақырыптың түйіні тарқатылмаған мәселелерін зерттеп, осы тақырыпқа қатысты ғылыми жоба да дайындадық», - дейді Ғ.Бәйтімбетов.  

Ғалымның айтуынша, жас инженер мамандар үшін Қазақстанда зерттеу жұмысымен айналысып, баламалы қуат көздерін ашуға барлық жағдай жасалған.

«Менің ойымша, осы саланың тасын өрге домалату үшін қолымыздан келген барлық жұмысты істейміз», - дейді Ғалым.