ШҚО-да 1,8 мың адам электрондық жастар еңбек биржасының арқасында жұмыс тапты

6 Ақпан, 2014 15:58

Пилоттық «Электрондық жастар еңбек биржасы» атты жоба аясында Шығыс Қазақстан облысында 1,8 мың адам жұмысқа орналасты.

«2012 жылы облыста жастардың жұмыссыздық деңгейі 5,7% құрады, 2013 жылы бұл көрсеткіш 4,1%-ға дейін төмендеді. «Электрондық жастар еңбек биржасының» тигізген септігі аз болмады», - деп ШКО Ақпараттық орталығына жастар саясаты мәселесі бойынша басқарманың басшысы Жасұлан Сарсебаев хабарлады.

Айта кетерлік жайт, порталда тек Шығыс Қазақстан облысынан ғана емес, СҚО, Ақмола және Алматы облыстарындағы бос жұмыс орындар туралы ақпарат жарыққа шығады.

Сонымен қатар, 8 мемлекет пен ҚР 14 облысынан қолданушылар сайтқа кіреді, деп хабарланды.

Сайтқа ең көп кіретіндер қатарында 25-34 жас аралығында ер азаматтар.

Айта кетерлік жайт, Шығыс Қазақстан облысының экономикалық белсенді тұрғындарының 26% жастар құрайды, сондықтан жастарды уақытылы жұмысқа орналастыру аса маңызды.

Барлық жаңалықтар