2014 жылы Қазақстанның батыс және солтүстік өңірлері толықтай отандық цементпен қамтамасыз етіледі – Ә.Исекешев

«Құрылыс индустриясындағы өндіріс бір жыл ішінде 11,8% артты. Ішкі нарықтағы отандық өнім үлесінің көлемі 72%  жетті. ҮИИД аясында Президент аталмыш көрсеткішті 80% жеткізу туралы тапсырма берген болатын. Жыл қорытындысы бойынша, жалпы бірінші бесжылдық нәтижесінде бұл межеге жетеміз деп сенемін», - деді Ә.Исекешев.

Ішкі нарықтағы бетон бұйымдары, цемент, гипсокартонның 100%-ы отандық өнім болып табылады.

«Биыл қос бірдей цемент зауытының іске қосылуының арқасында еліміздің батыс және солтүстік өңірлері толықтай импорт тәуелділігінен айырылады», - деді министр.

Сонымен қатар, жыл қорытындысы бойынша, металлургия өнеркәсібінде боксит пен мыс рудасын өндіру есебінен өнім көлемінің 94% артуы күтілуде. Ал қалған негізгі металлдар өнімі 90% деңгейінде.