Президенттің қолдауының арқасында арманымызға жеттік –«Doctor Dent» ЖШС директоры

6 Ақпан, 2014 10:45

Президент пен Үкіметтің қолдауының арқасында «Бизнестің жол картасы-2020» мемлекеттік бағдарламасының іске асырылуымен біз өз арманымызға қол жеткіздік, нақтырақ айтар болсақ, Астанада Есіл өзенінің сол жағалауында стоматологиялық клиникамызды аштық, дейді «Doctor Dent» ЖШС директоры Арман Мұқатаев Мемлекет басшысының «Қазақстандық жол-2050»: Бір мақсат, бір мүдде, бір болашақ» халыққа Жолдауына пікір айта отырып.

«Мемлекет басшысы да айтып өткендей, «Мемлекет жұмысының басты бағыты қазақстандық бизнеске барынша қолайлы жағдай жасау болуы керек. Соның ішінде шағын және орта кәсіпкерлікке баса назар аударған жөн. Өз тарапымнан біздің компанияларымыздың дамуына серпін беріп, соның ішінде еуропалық қызмет көрсету деңгейіне жетуге жол ашқанын айтқым келеді», - деді А.Мұқатаев.

Оның айтуынша, Президент пен Үкіметтің қолдауының арқасында «Бизнестің жол картасы-2020» мемлекеттік бағдарламасының іске асырылуымен «Doctor Dent» ЖШС ұжымы Астанада Есіл өзенінің сол жағалауында стоматологиялық клиника ашуға мүмкіндік алды.

«Біз жаңа жұмыс орындарын аштық. Бюджет кірісін арттырып, қызметкерлерді шет елдерде оқытамыз. Жаңа стоматологиялық құрылғылар сатып алдық. Енді болашақта шағын және орта кәсіпкерлікті қолдау еліміз дамуындағы басты міндеттемелердің бірі болады деп үміттенеміз», - деді А.Мұқатаев.

Барлық жаңалықтар