ҚР-да 2014 жылы астық экспортын 9 млн тоннаға дейін жеткізу жоспарлануда – А.Мамытбеков

5 Ақпан, 2014 16:50

Биыл ҚР-да астық экспортын 9 млн тоннаға дейін жеткізу жоспарлануда. Бұл туралы Премьер-Министрдің қатысуымен өткен ҚР Ауыл шаруашылығы министрлігі қызметкерлерінің кеңейтілген отырысында ведомство басшысы А. Мамытбеков мәлімдеді.

«Астық бойынша негізгі ауыл шаруашылық өнімдердің жалпы жиыны 19 млн теңгені құрады. Биыл өнімнің жиналу көлемі өткен жылғымен салыстырғанда 48% артық. Үстіміздегі маркетингтік жылда астық экспортын 9 млн тоннаға дейін арттыру жоспарлаудамыз. Экспорттық әлеует өткен маркетингтік жылғы көрсеткішпен салыстырғанда 26% артық болмақ», - деді Асылжан Мамытбеков.

2013 жылдың 1 шілдесінен бастап 2014 жылдың 1 ақпанындағы мәлімет бойынша экспортқа шығарылған өнім көлемі ұн өнімдерін де қосқанда шамамен 5,3 млн тоннаны құрап, өткен жылғыдан 25% артық көрсеткішке жетіп отыр.

Қазан айынан бастап ай сайын экспортқа 1 млн тоннадан астам бидай мен ұн тасымалданады.

«Осылайша, жоспарланған көлемге қол жеткізу үшін 1 шілдеге дейін 3,7 млн тонна астық сату керек», - деді министр.