Профессор А. Майдырова: Жолдаудың басты мақсаты - экономиканың шарықтауы, азаматтардың өмір сүру сапасын көтеру

«Қазақстан халқына Жолдауда экономиканың, саясаттың және әлеуметтік салалардың барлық бағыты бойынша бағдарлар белгіленген.  Жолдаудың басты мақсаты еліміздің экономикасының шарықтауы, яғни, әр азаматтың өмір сүру сапасын көтеру», - деді А. Майдырова.

Сонымен қатар ол, Жолдауда еліміздің дамуының стратегиялық күн тәртібі белгіленіп, алға қойған міндеттерге қол жеткізу үшін оның жолдары мен тәсілдері нақты көрсетілгенін тілге тиек етті.

«Барлық тапсырмалар ешқандай сылтауға қарамастан уақытылы орындалуы тиіс. Бұл өз кезегінде біздің алдымызда тұрған ең басты және маңызды міндет», - деп А. Майдырова атап өтті.

Профессордың айтуынша, барлық іске бір ананың баласында жұмыла кіріскеніміз жөн. Біздің жауапкершілігіміздің белгісі осы  болмақ. 

«Мен, халқымыздың дәстүрлі құндылықтары мен даму бойынша тиімді озық идеяларына сүйене отырып, алдымызда тұрған міндеттерді жүзеге асыру арқылы жетістікке жететінімізге сенімдімін», - деді А. Майдырова.