Қызылорданың мектептерінде тұрмысы төмен отбасылардың балаларына ыстық тамақ тегін беріледі
4 Наурыз, 2013 00:00
Қызылорданың барлық мектептерінде тұрмысы төмен отбасылардың балаларына ыстық тамақ тегін беріледі. Бұл туралы Қызылорда қаласы бойынша мемлекеттік санитарлық-эпидемиологиялық қадағалау басқармасы санитарлық бөлімнің бас маманы Ақмарал Қалкөзова хабарлады.
«Қызылорда қаласы бойынша мемлекеттік санитарлық-эпидемиологиялық қадағалау басқармасы 54 орта мектепті бақылайды. Оның қатарындағы 12 мектеп Қызылорда қаласына қарасты елді мекендерде орналасқан, - деді ол, - барлық 54 мектепте бірінші сынып оқушылары мен тұрмысы төмен отбасылардың балаларына ыстық тамақ тегін беріледі».
«Мектептердегі ас мәзірі бекітілді, - деді Қалкөзова. – Күніне бір рет берілетін ыстық тамақпен қоса шәй, печенье, сусын немесе сүт, сүт өнімдері мен жеміс-жидектер беріледі. Азық-түліктің сапасы қатаң қадағалануда».
