Қазақстанда 2014 жылдан бастап АМСК қызметкерлері ай сайын қосымша жалақы алатын болады - ДСМ
«Бүгінде елімізде халықтық өлімі мен мүгедектігіне әсер ететін 11 дертке қарсы ұлттық скринингтік бағдарлама жүзеге асырылуда. Бұл зерттеу жұмыстары ауруды алғашқы кезеңінде анықтау үшін жүргізіледі. Министрлік АМСК қызметкерлеріне көбірек көңіл бөлуде, оларға қызметінде жеткен жетістіктері мен нәтижелі жұмысы үшін қосымша жалақы мен бонустар төленуде. Бүгінде егер дәрігер өзінің медициналық ұжымымен ана өлімін болдырмай, ісік ауруының ауыр формасы мен туберкулезды алғашқы кезінде анықтаса онда оған үкімет тоқсан сайын қосымша жалақы беруде. Бұдан басқа жаңа жылдан бастап дәл сол дәрігер ай сайын қосымша жалақы алатын болды. Бұл жұмыс тиімділігінің нәтижесі бойынша лайықты төлем», - деді А. Төлеғалиева.
Сонымен қатар, Ажар Төлеғалиева Елбасының халыққа Жолдауында алғашқы санитарлық көмекті дамыту алдыңғы қатарда деп атап көртсеткенін тілге тиек етті.
Оның пайымдауынша, бүгінде АМСК қызметінде үлкен өзгерістер жүріп жатыр.
«Бүгінде алғашқы медициналық-санитарлық көмекке жаңа медицина қызметкерлері келді. Олардың ішінде әлеуметтік мәселелерді шешетін әлеуметтік мамандар мен психологтар бар. Осының арқасында АМСК қызметі емделушіге және әлеуметтік түрде бағдарланған болып түрленіп шықты», - деп А. Төлеғалиева атап өтті.
Айта кетерлік жайт, АМСК қызметінің басты жұмыс істеу принціпі ауруды алдын алу және оны алғашқы кезеңінде анықтап, сақтандыру шараларын жүргізу.
«Егер ауруды бастапқы кезеңінде анықтайтын болсақ оны 100% емдеуге болады. Осыған орай мемлекеттік бағдарлама аясында қосымша 7 мың дәрігер жұмыста алынып, әр учаскі бойынша бір дәрігерге 2-3 медбикеден тіркелді. Кез-келген науқас өзінің дәрігерін, ал, дәрігер өзінің емделушісін білу керек», - деп А. Төлеғалиева қадап айтты.
