СҚО-да «Балапан» мембағдарламасы аясында шағын орталық қайта жаңғырды
4 Ақпан, 2014 17:05
«Балапан» мемлекеттік бағдарламасының аясында Солтүстік Қазақстан облысы Сергеевка қаласында Е. А: Бөкетов мектеп –гимназиясының жанындағы «Тамшы» шағын орталығы қайта жаңғырды.
Облыстық ішкі саясат басқармасында хабарлағандай, мембағдарлама аясында 10 млн теңге бөлінсе, 4 млн теңге аудандық бюджеттен бөлінді.
Мекемеге осыған дейін 25 бала келсе, жөндеуден кейін тәрбиеленушілердің саны 4 есеге өсті. Алаңның үлкеюіне байланысты мектепке дейінгі мекемеге тағы 15 маман жұмысқа орналасты.
Айта кетерлігі, бүгінгі таңда мектепке дейінгі білім беру мекемесімен Сергеевка қаласында 3-тен 6 жасқа дейінгі балалардың 64 пайызы қамтылған.
