ҚР-да газ саласын дамыту Тұжырымдамасында газ тапшылығының жағдайы сараланады - Ұ.Қарабалин

«Біз газ саласын дамыту бойынша Концепцияны жасауға кірісіп кеттік. Онда газдың ішкі нарықта тапшылығы орнауы мүмкін жағдайларда  сараланады», - деді Ұ. Қарабалин.

Сонымен қатар, ведомство басшысы  кейбір елді-мекендер мен   аудандарға, қайта іске қосылып жатқан өнеркәсіптік кәсіпорындарға және басқаларға  көгілдір отынды тарту бойынша жұмыстардың маңыздылығын бағалайтын өлшемді енгізу керек деп атап өтті.

Бұдан басқа, министр ҚР ішкі нарығында газ тапшылығын алдын-ала хабарлау бойынша жұмыстардың жүргізілетінін тілге тиек етті.

Болашақта геологиялық барлау жұмыстары арттырылып, жаңа газ кен орындарын пайдалануға беру көзделуде. Сондай-ақ, жер қойнауын паудаланушылар өндіретін газды дайындау бойынша ортақ инфрақұрылымды енгізу және ішкі нарыққа көгілдір отынды жеткізумен айналысатын көлік инфрақұрылымын әртараптандыру мүмкіншілігі қарастырылауда.  

Ұзақбай Қарабалиннің мәліметі бойынша, елімізде көгілдір отынды кері жер қойнауына қайтару көрсеткіші жоғарылап кеткен. Егер осылай жалғаса беретін болса  2024  газ тапшылығына әкеліп соғады.

Жалпы оның айтуынша, елімізде өндірілетін газдың 90% ілеспе газ. Айта кетерлік жайт осы өндірілген газдың  30% жер қыртысының қысымын сақтау үшін кері өз орнына жіберіледі. Осыған қарамастан ведомствоның хабарлауынша 2030 жылы газды өндіру көлемі 54,1 млрд. текше метрді құрап,  2013 жылғы көрсеткіштен 25%-ға артады.