Атырау облысында 2013 жылы негізгі капиталға инвестиция тарту көлемі 580,7 млрд теңгені құрады

«Облыс көлемінде қаланың үлесі 56% құрады. Қала бойынша инвестициялардың басым көздері шетелдік шаруашылық субъектілерінің қаражаттары 68,5% (397,6 млрд. теңге) болды», - деп облыстық әкімдікте хабарлады.

 Құрылыс жұмыстарының көлемі 180,2 млрд. теңгені қамтыды.

Үдемелі индустриалды-инновациялық даму  мемлекеттік бағдарламасы шеңберінде Атырау қаласында 17 жоба жүзеге асырылды, оның ішінде 2013 жылы іске қосылғаны екі жоба болды. «Шеврон МұнайГазИнк» корпорациясының жоба құны 6 млрд. теңге болатын құбыр жүргізуші арматура шығаратын зауыты. «ЖігерМұнайСервис» ЖШС-нің өндірісті жаңғырту жоба құны 900 млн. теңге құрады.

Бұл бағыттағы жұмыстарды жандандыру мақсатында Атырау қаласының  әкімдігі жанынан инновациялық жобаларды қарастыру жөніндегі Кеңес құрылды. 2013 жылы кеңес отырысында барлығы 26 жоба қаралып, оның 17-сі мақұлданды, 11 кәсіпкерге жер телімі бөлінді. 

Айта кетейік,  Мемлекет басшысы ЖІӨ-нің  инвестиция көлемін  18-ден 30 пайызға жеткізуді тапсырған болатын.