2012-2013 жылдардың жылу беру кезеңінде тұрғындарға 498 млн астам теңге қайтарылды – ТМРА

«Тұтынушыларға келтірілген шығындарды өтеуді бақылау мақсатында 185 монополия субъектісіне уақытша өтемдік тариф енгізілді. Пайдаланушыларға шығындарды қайтарудың жалпы сомасы 2,8 млрд теңгені құрады. 2012-2013 жылу беру кезеңінде тұрғындарға 498 млн астам теңге қайтарылды», - деді М.Оспанов. 

Сонымен қатар, ТМРА басшысы атап өткендей агенттік қарыз қаражаттарын, ТКШ жетілдіру бағдарламасының ресурстары арқылы жылу желілерін жетілдіру бойынша кешенді жоспар жасауда. 

Кешенді жоспарды мақұлдап, жүзеге асырған жағдайда 2020 жылға дейін негізгі құрал-жабдықтардың тозуы 15%-ға, ал желідегі шығын 4%-ға төмендейді. 

Ведомствоның мәліметінше, 2013 жылдың қортындысы бойынша жылумен жабдықтау сферасына инвестициялар сомасы шамамен 230 млрд теңгені құрайды, бұл өткен кезеңнен 10%-ға артық. 

«Бүгінгі таңда 92 монополия субъектісі шектік тарифтер бойынша жұмыс жасайды, бұл тұтынушыларға тұрақтылық пен тарифтерді болжауды, қызмет көрсетулердің сапасын арттыруды қамтамасыз етеді», - деп басып а