Жолдаудағы электр энергетикасын дамытуға бағытталған бастамаларды қолдаймын - «АЖК» АҚ басқарушы директоры Н. Әбілқасымов

«Мен энергетик маман ретінде ҚР Президентінің халыққа Жолдауында электр энергиясына қатысты көтерген бастамаларын қолдаймын. Бұл дегеніңіз электр энергиясын үнемдеу бойынша жаңа технологиялар, әлемнің озық тәжірибелерін енгізу және оларды зерттеу бойынша орталық құру және «жасыл» экономика игіліктері. Атом энергетясын дамыту үшін Қазақстанның оған мүмкіншілігі жетерлік. Себебі, біз уран кеніне баймыз», - деді Н. Әбілқасымов.

Сонымен қатар, ол, Елбасының халыққа Жолдауында тиімді ұлттық инновациялық жүйені қалыптастыру бойынша бірқатар сұрақтарды қамтығанын тілге тиек етті.

«Балаларыммен немерелерімді тәрбиелеп отырған ата-ана ретінде мен, Елбасының Жолдаудағы жоғары сапалы білім мен денсаулық сақтау және дене шынықтыру салаларын дамытып жетілдіру міндеттерін қолдаймын», - деп Н. Әбілқасымов өз ойын түйді.