«Қазақстан жолы-2050 : Бір мақсат, бір мүдде, бір болашақ» Жолдауы Еуразиялық бизнес форумда талқыланады

«Бизнестің қатысушылары мен Еуразиялық экономикалық кеңістік үшін арнайы алаң құру өте маңызды. Бұл алаңда «Қазақстан-2050» Стратегиясында қойылған тапсырма, яғни 30 дамыған елдің қатарына ену мақсаты талқыланады. Жолдауда қойылған тапсмырмалардың жүзеге асуына белсенді үлес қосуға ниеттіміз», - деді бизнес-форумның ұйымдастыру комитетінде.

Айта кетерлігі, бағдарламада Қазақстан аймақтарында  кәсіпкерлікті дамытуға баса назар аударылған. Ол үшін өңірлердің қала және аудан әкімдері шақырылды.

«Жолдаудың басты бағыттарының  бірі шағын және орта бизнестің дамуы. Тапсырмаларды жүзеге асыру үшін нақты тапсырмалар берілді. Осы сынды маңызды сұрақтар, стратегиялар Еуразиялық бизнес форумда талқыланатын болады. Форумда әрбір делегат өз ұсыныстарын беруге, отандық шағын және орта бизнесті дамытуға қандай әрекеттер жасауға болатын кеңестерімен бөлісе алады», - ұйымдастыру комитетінде осылай хабарлады.