Қазақстан мен Нидерланды арасындағы сауда 2013 жылы 35 пайызға өсті – Е. Ыдырысов
3 Ақпан, 2014 14:14
Қазақстан мен Нидерланды арасындағы сауда 2013 жылы 35 пайызға өсті. Бұл туралы Нидерланды Королдігінің Сыртқы істер министрі Франс Тиммерманстың ресми сапары кезінде СІМ басшысы Ерлан Ыдырысов мәлімдеді.
«Қазақстан мен Нидерланды – тұрақты ұзақмерзімді серіктестер. Біздің елдер арасында саяси, экономикалық, гуманитарлық сала бойынша тығыз қарым-қатынас орныққан. Нидерланды Еуропа ішінде жетекші орынға ие. Нидерланды Қазақстанға шетелдік инвестициялардың ¼ үлесін, 50 млрд долларды құрады. Қазақстан мен Нидерланды арасындағы сауда қарқынды дамуда. Осы жылы ол 10 млрд теңгеге жетті, яғни 35 пайызды құрады», - деді Е. Ыдырысов.
Жалпы, Нидерландыдан Қазақстанға түскен инвестиция 2005 жылдан бастап 2013 жылдың маусымы аралығында 48,04 млрд долларды құрады.
Кездесу аяқталған соң Е. Ыдырысов нидерландық тарапты индустриялық-инновациялық жобалардың жүзеге асуы мен Астанадағы ЭКСПО-2017 көрмесіне белсенді араласуға шақырды.
