Ақмола және Алматы облыстарында Ауыл шаруашылығын қаржылай қолдау қоры филиалдарының қосымша бөлімшелері ашылады
«Бұрын осы қалалар маңындағы тұрғындар несиені рәсімдеу үшін Көкшетау мен Алматыға баратын болса, енді жаңадан ашылатын бөлімшелер оларға жақын орналасады», - деп Ауыл шаруашылығын қаржылай қолдау қорында хабарлады.
Бөлімше штатында несие, құқықтық жұмыс жөніндегі, несиелік әкімшілік менеджерлері мен бөлім бастығы жұмыс істейді. Мұнда әлеуетті қарыз алушылардан өтінімдер қабылданып, қызметкерлер бизнес орнына шығады, экономикалық және заң тұжырымын шығарады, несиелеу туралы мәселесін несие комитетіне шығарып, несиелік досьені құрастырады, несиенің мақсатты пайдалануына, кепілдеменің жағдайына, қаржылық жағдайға мониторинг жасайды.
Сондай-ақ, Ақмола және Алматы филиалдары - қордың алдыңғы қатардағы аймақтық құрылымдар. Осы екі облыста тұратын 3,3 мың адам - қордың белсенді қарыз алушылары.
Айта кетейік, «Ауыл шаруашылығын қаржылай қолдау қоры» акционерлік қоғамы - «ҚазАгро» Ұлттық басқарушы холдингі» АҚ құрамына кіретін мамандандырылған қаржы-несиелік ұйымы болып табылады.
