2014 жылы «Батыс Еуропа-Батыс Қытай» дәлізінің 160 шақырымының қозғалысы ашылады – А.Жұмағалиев

«Қазақстанда 2013 жылы республикалық маңызы бар автожолдардың 2200 шақырымы жөндеуден өткізілді. Атап айтар болсақ, «Батыс Еуропа-Батыс Қытай» халықаралық дәлізінің 812 шақырымының  жұмыстары аяқталды. Осы нысанда шамамен 35 мың адам жұмыс істеді. 2014 жылы дәліздің 157 шақырымының қозғалысы ашылады. Жоспар бойынша олар Шымкенттен РФ шекарасына дейінгі жол мен Тараз бен Алматы аралығы», - дейді А.Жұмағалиев.

Сонымен қатар, 2014 жылғы жұмыстың негізгі көлемі «Алматы-Қорғас» арасы мен Шымкент пен Жамбыл облысы шекарасы аралығында қолға алынбақ. Бұдан бөлек жөндеу жұмыстары «Ташкент-Шымкент» бағытының 99 шақырымына да жүргізілмек.

Оның айтуынша, «Алматы-Қорғас» учаскісінің жөндеу жұмыстары басталып кеткен.

Және де орталықтан өңірлерге бағытталған жолдарға, «Астана-Теміртау», «Алматы-Қапшағай», «Астана-Павлодар», «Семей-Қалбатау» мен «Бейнеу-Шетпе» бағыттары да күн тәртібінде.

«Семей-Қалбата», «Бейнеу-Шетпе», «Ақтөбе-Орал», «Астана-Петропавл», «Омбы-Павлодар-Майқапшағай», «Таскескен-Бақты» бағыттары мен «Астана-Қостанай-Челябинск» жолдары да жөнделмек.