• Басты
  • ҚР-да соңғы 3 жыл ішінде қан айналымы жүйесі ауруларынан болатын өлім-жітім 2 есеге төмендеді – ДСМ

ҚР-да соңғы 3 жыл ішінде қан айналымы жүйесі ауруларынан болатын өлім-жітім 2 есеге төмендеді – ДСМ

3 Ақпан, 2014 12:11
Астанада ҚР Денсаулық сақтау министрі С.З.Қайырбекованың төрағалығымен қан айналымы жүйесі ауруларынан болатын өлімді азайту бойынша шұғыл шаралар қабылдау жөніндегі республикалық штабтың отырысы болып өтті.

««Саламатты Қазақстан» мемлекеттік бағдарламасы іске асырыла бастаған 3 жыл ішінде аурудың бұл түрінен болатын өлім-жітім 2 есеге төмендеді», - деп ДСМ-де хабарлады.

Дегенмен, Солтүстік Қазақстан, Қарағанды, Шығыс Қазақстан, Павлодар, Ақмола облыстарында және Алматы қаласында ауру көрсеткіші жалпы республикалық деңгейден біршама жоғары болып отыр.

Министр Салидат Қайырбекова тұрғындарды скрингтік зерттеулерге кеңінен тарта отырып, аурудың алдын алу туралы түсіндіру жұмыстарын күшейтуді тапсырды. Сондай-ақ, республика бойынша 40 инсульттік орталық ашылып, қызмет етуде.

Қазіргі уақытта еліміздің барлық 16 өңірінде кардиохирургиялық орталықтар немесе бөлімдер жұмыс істейді.

2013 жылы Қазақстанда 60 мыңнан астам кардиохирургиялық операция, оның ішінде 11 мыңға тарта ашық жүрекке ота жасалды.

 

Барлық жаңалықтар