• Басты
  • Таразда иппотерапия жолымен мүмкіндігі шектеулі балаларды оңалту орталығы ашылды

Таразда иппотерапия жолымен мүмкіндігі шектеулі балаларды оңалту орталығы ашылды

1 Ақпан, 2014 10:30
Таразда иппотерапия жолымен мүмкіндігі шектеулі балаларды оңалту орталығы ашылды. Салтанатты шараға Жамбыл облысы әкімі Кәрі Көкірекбаев қатысып, мүмкіндігі шектеулі жандарға арналған 3 инватакси кілтін табыстады.

Облыстың ішкі саясат басқармасы хабарлағандай, су жаңа ат спортымен оңалту орталығында мүгедектерге арналған кең де жылы арнайы бөлмелер бар. Ат тұрағы да заманауи үлгіде салынған. Аймақ басшылары кешенді аралап көрді. Және осы жерде мүгедектерге арналған үш бірдей инватаксидің кілті табыс етілді. 

Мүгедектерді қолдау - жолдау жүктеген міндет. Қоғам парызы. Бұл ретте Жамбыл облысында оңды істер жеткілікті. 

«Дарвин маймылдан жаралса жаралған шығар, Қазақ арғымақтан жаралған» - депті ұлттың ұлы Асқар Сүлейменов. Астарлы сөздің көрінісі - бүгінгі ат спортымен емдеу болса керек. «Иппотерапия» деп айдар тағылған емнің шипасы мол көрінеді. 

Иппотерапия кешені мемлекеттік - жеке меншік серіктестік негізінде ашылып отыр. Өнегесі өзгеге үлгі болар кәсіпкер -   Тимур Жәлиұлы деген азамат. Мамыр саябағы бағы болашақта көпшілік мәдени сауықтыру орталдығына айналмақ . 

Барлық жаңалықтар