Г. Әбдіхалықова ҚР БҒМ-не 2014 жылдың соңына дейін Астанадағы Ұлттық биотехнология орталығының құрылысын аяқтауды тапсырды

«Нысанның құрылысы әлі де аяқталмады. Орталықты осы жылы қолданысқа беруді тапсырамын», - деді Г. Әбдіхалықова.

Сондай-ақ, ол 2007 жылы Мемлекет басшысы Астанадағы аталмыш орталықты 2008 жылдың аяғына дейін аяқтауды тапсырғанын атап өтті.

«Нысанды тапсыру уақыты бірнеше рет өзгертілді. Алайда, ол әлі де қолданысқа берілмеді», - деді Г. Әбдіхалықова БҒМ басшысына.

Айта кетейік, бүгінгі кеңейтілген отырыста ҚР Білім және ғылым министрлігінің 2013 жылғы жұмысының қорытындысы айтылды. Сондай-ақ, Мемлекет басшысының «Қазақстан жолы: Бір мақсат, бір мүдде, бір болашақ» Жолдауы талқыланды.

БҒМ коллегиясының секциондық отырысында сарапшылар мен мамандар мектепке дейінгі білім беру, жоғарғы білімнің жетістіктері, мемлекеттік жастар саясатының негізгі тапсырмалары сынды тақырыптар талқыланды.