ҚР ТЖМ қызметкерлерін «шындық детекторынан» өткізеді

31 Қаңтар, 2014 18:07

ҚР Төтенше жағдайлар министрі қызметкерлерін тексеру мақсатында полиграфиялық зерттеу немесе « шындық детекторын» енгізуді жоспарлап отыр. Бұл жайлы ҚР Президенті жанындағы Орталық коммуникациялар қызметіндегі «Мемлекет басшысының Қазақстан халқына «Қазақстандық жол-2050»: Бір мақсат, бір мүдде, бір болашақ» Жолдауындағы 2014 жыл тапсырмалары туралы» брифингінде төтенше жағдайлар министрі Владимир Божко мәлімдеді.

«Министрлікте қызметкерлерді аттестаттаудың қағидатты жаңа рәсімі белгіленді. Психологиялық тұрақтылыққа міндетті түрде тестілеу жүргізілетін болады. Бас прокуратурамен міндетті аттестаттауға «шындық» детекторы арқылы полиграфиялық зерттеуден өту мәселесі пысықталуда, біз 2 жинақты сатып алдық», - дейді министр.

«Қызметкерлердің мансаптық өсуінің бірыңғай тәртібін орнату үшін басшылық лауазымдарға жылжыту үшін перспективті резерв қалыптастырылды. Кадрлық резерв сонымен қатар, алдын алу функциясын атқарады және тағайындау кезінде сыбайлас жемқорлық көріністерінің таратылуына кедергі жасайды», - деп толықтырды министр.

Естеріңізге сала кетейік, Мемлекет басшысы министрлік қызметкерлерініңжауапты тұлғаларын мінсіз мінез-құлығымен және жоғары кәсібилігімен ерекшеленуі керектігін тапсырған еді.

Барлық жаңалықтар